前幾年，我既生日會，都會請好多朋友，不過o係o個三四十個朋友入面，可能係由幾堆朋友堆砌而成，之前覺得多人同我慶祝生日就開心！

今年，唔想搞咁多野，只係邀請左一班o係我之前做ｐａｒｔ　ｔｉｍｅ o個間酒吧度識既朋友黎同我慶祝生日！

人地話人生得一知己死而無憾．．．知己，我有一個，o係美國，我已經好滿足！

但係我o係香港，有時都需要有朋友撐我！就好似上一次搞左個船河，令我知道邊ｄ朋友係真心對你，邊ｄ係敷衍你！o個酒吧呢班朋友，雖然我未至於會同佢地傾心事，但係我睇得出佢地真係會撐我，會幫我，會同我分擔，有ｄ仲真係當我妹咁錫．．．

所以今次生日會，人數冇前幾年咁多，得廿幾三十人，但係我真係過左個好開心既生日會！因為坐埋一齊既佢地都係互相認識既，個個都玩得好開心！

有ｄ朋友，之前可能好ｆｒｉｅｎｄ，不過過左一排冇聯絡之後，就會變得生疏，就好似佢地有左新朋友，就忘記左你咁，好唔鍾意呢種感覺．．．我希望同而家呢班朋友唔會變成咁，希望我之後每一年既生日都會有佢地同我慶祝